Baka nya meh munyi jaku sempama kitai iban dulu kelia ke dikena ngingat ke orang ti ka ngereja pengawa.... anang jampat temegah ati madah ke diri empu ulih ngereja pengawa nya enggau mujur enti empai ngasai, empai kala nguji ngaga,empai temu pemutus pengawa...
Asai ke dulu pengawa, gaga dulu kerja.... enti udah amat-amat mujur, betul-betul berjaya nya baru tau temegah ati agai usaha diri empu.. nya ea ke betul... tapi salah amat-amat enti temegah ati madah ke diri ulih berjaya ngereja pengawa nya tang alu empai ngereja pengawa serta nadai usaha ka ngereja pengawa nya enggau mujur....
Baka tuk meh pengawa sida PKR.... Ba sitak menua Sibu sida PKR udah madah yang sida ea akan menang PRU ke ka datai tuk ila ba sitak N49 Nangka ko sida ea madah agai aku... temegah amat ati pengari PKR ke ka bediri ngangkat ke diri nyadi YB nya ila madah ke diri sigi endang 'GERENTI MENANG AKU BETANDING ILA IGAT' ko ea madah agai aku... tang ari utai ke dipeda aku, ke diperati ke aku bala sida ea seraban ari suba-suba sampai ke maya aku nulis cerita tu, sida seraban ea semina ke makai tinduk serta lepak ba kedai kopi aja.. becerita bejai ke perintah BN, bula ke rakyat,nyebar petenah bejai perintah BN agai rakyat. nadai utai ke betul digaga perintah BN ko sida seraban becerita ba kedai kopi sari nya.
Kati amat perintah BN nya jai nadai meri pemansang agai rakyat kini? ya enti amat perintah BN nya jai, nadai meri pemansang agai rakyat agai menua, ari ni deh penatai penyenang pemansang rakyat serta menua kitai tuk di ulih ngelama tuk ga? ari PKR pia? "JAUH PANGGANG DARI API" ko menyadi kitai be bansa Melayu madah. Sida PKR semina ke ulih meri komen kosong aja, bejaku bula agai rakyat bansa kitai Dayak aja.
Enti ke semina ulih bejaku ba kedai kopi aja alu ka bediri nyadi pengari rakyat, aku pan ulih ga. bala ibu bala aya ke bejual ba market ba sebelah tamu pan ulih mega bediri nyadi pengari rakyat. tang baka ni orang baka tu ulih ngemansang ke menua ngangkat ke taraf ekonomi rakyat deh? baka ni? ulih ea ngamat ke jaku ea maya ke berkempen ila kini? kada enda mayuh agi "KUAH ARI ISI" orang ke baka tuk deh... enti ngemansang ke menua ngari ke rakyat ngena jaku aja aku pan ulih..... nadai guna mulut aja ke engkebut tang jari, kaki, patung, siku enda engkebut..... "MULUT NYEBUT, PATUNG ENDA NYAUT" ko orang kelia.... nama tuju deh? bisi jaminan untuk maju, mansang manah agi nasib kitai rakyat laban pengari ke semina pandai bejaku aja tang enda pandai gawa deh? pelaba aku nadai jaku mansang mujur manah agi enti orang ke baka tuk nyadi pengari kitai ila. kitai rakyat tuk ke peli-peli mata aja meda pemansang "ea" kediri aja ila. ea aja ke senang kitai tuk nadai bulih apa-apa ila.
No comments:
Post a Comment